GERARD Ô ! MIVAVAHA HO ANAY

(Tonony sy feony : p.vonji.)

Omenay dera sy fankasitrahana
 ianao ry Gerard ô! Fa nahazoanay fahasoavana.
Ianao ry Gerard ô! Mivavaha ho anay e! 

Feno hasoavana hatramin’ny fahazaza, 
Endrika velon’I Jesoa ilay voafantsika 
Mpianatr’I Jesoa Kristy Mpanavotra 
Ianao ry Gerard ô! Mivavaha ho anay 

Mpanompo mpanaja an’I Masina Maria, 
Ohatra mahagaga amin’ny fahaiza-manaiky, 
Olon’ny asa sady olon’ny vavaka 
Ianao ry Gerard ô! Mivavaha ho anay 

Mpanolo-tsaina mahay sy manazava, 
Mpitarika ireo mpamantatra ny antson’ny Tompo 
Reharehan’ny Redantorista 
Ianao ry Gerard ô! Mivavaha ho anay 

Sakaizan’ireo mahantra sy ny madinka, 
Sakaizan’ny fiadanana sy fihavanana 
Ary sakaizan’ny fandriam-pahalemana 
Ianao ry Gerard ô! Mivavaha ho anay 

Mpivavaka mahatoky ho an’ireo marary. 
Mpiaro ny reny sady mpiaro ny zaza.  
Feno ny fahasoavan’ny lanitra. 
Ianao ry Gerard ô! Mivavaha ho anay