NANTSOINAO ‘ZAHAY

(tonony sy feony : p. Vonji.)

Ianao ry Ray Mpahary 
No nihavian’izao rehetra izao
Nantsoinao zahay handavorary
Nefa indrisy, tsy mba nety nanao
	Nirahinao hanavotra anay
	Jesoa Zanakao.
Tompo o ! (2) mamindra fo aminay
Tompo o ! (2) mamindra fo aminay

Ianao ry Jesoa Zoky 
No nampianatra anay fitiavana
Nantsoina ‘zahay mba hitia amin-toky
Nefa indrisy mbola be fankahalana
	Tonga taty ianao 
	Hampihavana anay
Kristy o ! (2) mamindra fo aminay
Kristy o ! (2) mamindra fo aminay

Ianao ry Fanahy Masina
No aina mamelona sy herinay
Nantsoinao zahay mba ho fanasina
Nefa indrisy, nanda, tsy mba sahy.
	Nirahin’i Jesoa ianao 
	Hitarika anay
Tompo o ! (2) mamindra fo aminay. 
Tompo o ! (2) mamindra fo aminay